ზიდანის სურვილია იუვენტუსის მთავარი მწვრთნელი გახდეს

ცნობილ ფრანგ მწვრთნელს ზინედინ ზიდანს, რომელიც ამჟამად კლუბის გარეშეა, ტურინის "იუვენტუსის" მწცრთნელობა სურს, იტყობინება L'Equipe.

წყაროს ცნობით, იტალიურ კლუბში მუშაობისთვის ზიდანმა უარი თქვა აშშ-ს, ბრაზილიის, ყატარის, არაბეთის გაერთიანებული საემიროებისა და პორტუგალიის ნაკრებებზე.

შეგახსენებთ, რომ ფრანგი სპეციალისტის ბოლო სამსახური მადრიდის "რეალი" იყო, რომელიც მან 2021 წლის მაისში დატოვა. ესპანურ გუნდთან ერთად ზიდანმა სამჯერ მოიგო ჩემპიონთა ლიგა და ორჯერ ესპანეთის ჩემპიონატი მოიგო.

მანამდე გავრცელდა ინფორმაცია, რომ ტიტულოვანი მწვრთნელის მომსახურებით  ლონდონის "ჩელსი" ინტერესდება, რომელიც მზადაა 50 წლის ფრანგს სეზონში 50 მილიონი ევროს ანაზღაურება შესთავაზოს.