ავტორიზაცია

სპარტაკიდან ზენიტში? - ქუთათელაძეს რუსეთში მსურველები არ აკლია

სპარტაკიდან ზენიტში? - ქუთათელაძეს რუსეთში მსურველები არ აკლია
თარიღი: 15 ივლ 2021, 14:13

ნიკოლოზ ქუთათელაძე ჯერჯერობით არ თამაშობს მოსკოვის "სპარტაკის" მთავარ გუნდში და მხოლოდ დუბლ შემადგენლობაში ასპარეზობით იფარგლება.

ამის მიუხედავად, ქართველ თავდამსხმელს მსურველები არ აკლია და Sports.ru-ს თანახმად, ერთ-ერთი ასეთი სანქტ-პეტერბურგის "ზენიტია".

რუსულ კლუბს აბრკოლებს მხოლოდ "წითლების" ფორვარდის ხელფასი და იმ შემთხვევაში, თუ ფეხბურთელი ანაზღაურების დაკლებაზე იქნება თანახმა, ტრანსფერი რეალური გახდება.

რაც შეეხება იმას, თუ რომელ გუნდში ითამაშებს 20-წლის შემტევი, "თეთრ-ლურჯები" საწყის ეტაპზე აგრეთვე მეორე გუნდის ვარიანტს განიხილავენ.

შეგახსენებთ, რომ ქუთათელაძემ "სახალხო გუნდის" დუბლ შემადგენლობაში მოასწრო 26 შეხვედრის ჩატარება, 11 გოლის გატანა და 5 ასისტის გაკეთება.

ქართველი წინახაზელი სხვადასხვა დროს გამოდიოდა "პარი სენ-ჟერმენის", "ლილისა" და პრაღის "სპარტას" ახალგაზრდულ აკადემიებში.

არშავინის კატეგორიული განცხადება: "ზენიტი სუპერ ლიგის წინააღმდეგია!"