ჩემპიონთა ლიგის ფლეიოფი — შეცვლილი ფორმატი და წილისყრის თარიღი

ჩემპიონთა ლიგის ახალი ფორმტი მოლოდინებს ამართლებს. ლიგის ფაზის დასრულებამდე სულ რაღაც ერთი ტურია დარჩენილი. ბოლო ტურში ყველა მატჩი ერთდროულად დაიწყება - ოთხშაბათს, თბილისის დროით 23:55 საათზე. ამ დღეს გაირკვევა ვინ მოხვდება პირველ 8 გუნდში, ვინ საფლეიოფო ზონაში და ვინ დარჩება გასავარდნ ზონაში.

თითოეულ პოზიციას მნიშვნელობა აქვს. გუნდი რაც უფრო მაღლა დაასრულებს ლიგის ფაზას, უფრო კარგი ბადე შეხვდება. მაგალითად, პირველ ან მეორე ადგილზე გასული გუნდი, ფლეიოფის მატჩს გამოტოვებს და 1/8-ფინალში 15/16-ე და 17/18-ე ადგილს შორის გამარჯვებულს შეხვდება. თუ გუნდი მე-7 ან მე-8 პოზიციაზე დაასრულებს ლიგის ფაზას, ფლეიოფის მატჩს ისიც გამოტოვებს და მერვედფინალში 9/10-ე და 23/24-ე ადგილს შორის გამარჯვებულს დაუპირისპირდება.

რაც შეეხება გუნდებს მე-9 ადგილიდან 24-მდე — ისინი დამატებით 2 თამაშს ითამაშებენ, სადაც გაირკვევა, ვინ გააგრძელებს 1/8-ფინალში ბრძოლას. ამ გუნდებს წინასწარ ეცოდინებათ, ვის შეხვდებიან პირველი 8 გუნდიდან.

გუნდები მე-16 ადგილამდე განთესილები იქნებიან, ხოლო მეთექვსმეტედან 24-მდე — განუთესავები. უკვე ცნობილია, გუნდების პოტენციური მეტოქეები, თუ ისინი ფლეიოფის ეტაპს გადალახავენ.

მაგალითად, თუ გუნდი 21-ე ან 22-ე ადგილზე გავა, ფლეიოფში მე-11- ან მე-12-ადგილოსანს შეხვდება, ხოლო 1/8-ფინალში მე-5 ან მე-6 ადგილზე გასულ გუნდს დაუპირსპირდება.