"ვაპირებ თუ არა კარიერის გაგრძელებას?", - ზლატანმა მოგებული სკუდეტო გარდაცვლილ მინო რაიოლას მიუძღვნა

11-წლიანი პაუზის შემდეგ „მილანთან“ ერთად სკუდეტოს მოგების შემდეგ, ზლატან იბრაჰიმოვიჩმა საკუთარ მომავალზე ისაუბრა.

თავის კარიერაში მე-12 ქვეყნის ჩემპიონის ტიტული შვედმა გარდაცვლილ აგენტ მინო რაიოლას მიუძღვნა.

„ვაპირებ თუ არა კარიერის გაგრძელებას? თუ ფიზიკურად თავს კარგად ვიგრძნობ, ვითამაშებ. ჩემი გადაწყვეტილება სულ მალე გახდება ცნობილი.

ბევრი ფიზიკური პრობლემა მქონდა, თუმცა მალე გადავწყვეტ. ეს სკუდეტო კი რაიოლას ეძღვნება.

ეს ჩემი პირველი ტიტულია, რომელიც მინოს გარეშე მოვიგე.“ - ციტირებს ზლატანის სიტყვებს ჟურნალისტი ფაბრიციო რომანო.
 

ცნობილი გახდა სერია ა-ს საუკეთესო ბომბარდირთა და ასისტენტთა ვინაობა