დინამო ევროპა ლიგაზე - ჯოტია ცაავა, ანტი-რეკორდი და ჩაწყობილი მატჩი » GOAL.GE - ფეხბურთი | fexburti

Goal.Ge

დინამო ევროპა ლიგაზე - ჯოტია ცაავა, ანტი-რეკორდი და ჩაწყობილი მატჩი


დინამო ევროპა ლიგაზე - ჯოტია ცაავა, ანტი-რეკორდი და ჩაწყობილი მატჩი

19 ივლისს თბილისის "დინამომ" კვლავ დაასრულა ევროსეზონი ნაადრევად. ქართული კლუბი ევროპა ლიგის პირველივე შესარჩევ ეტაპზე გამოვარდა სლოვაკურ "დუნაისკა სტრედასთან".

აღსანიშნავია, რომ "დინამოს" შემდეგ რაუნდში გასვლის ძალიან კარგი შანსი ჰქონდა - თბილისელებმა სტუმრად ფრე გააგორეს (1:1) და განმეორებით მატჩშიც იგებდნენ 1:0-ს, მაგრამ შეხვედრის ბოლოს ორი ბურთი გაუშვეს, რითაც კიდევ ერთხელ შერცხვნენ ქართველ გულშემატკივართა წინაშე.

დინამო ევროპა ლიგაზე - ჯოტია ცაავა, ანტი-რეკორდი და ჩაწყობილი მატჩი

ჩვენი კლუბების ფატალური წარუმატებლობების ფონზე ევროსარბიელზე გასვლა უკვე არარეალურად ჩანს, თუმცა იყო დრო, როდესაც "დინამომ" ნამდვილად მოახერხა მოხვედრა იქ, სადაც დღეს ქართული გუნდების ადგილი არ არის.

ეს მოხდა 2004-2005 წლის სეზონში. თბილისურმა კლუბმა დაძლია 3 შესარჩევი ეტაპი და უეფას თასზე (დღევანდელი ევროპა ლიგა) გააღწია. "დინამომ" უდიდესი სიხარული მოუტანა ქართველ ქომაგებს, ქვეყანაში დაიწყო პარალელების გავლება ლეგენდარულ წინამორბედებთან, თუმცა ტკბილი ზღაპარი ცუდად დასრულდა.

დინამო ევროპა ლიგაზე - ჯოტია ცაავა, ანტი-რეკორდი და ჩაწყობილი მატჩი

თბილისელებმა საშინლად ითამაშეს უეფას თასზე, იგრძნობოდა უდიდესი სხვაობა კლასში მოწინააღმდეგეებთან, ბოლოს კი "დინამო" სკანდალშიც გაეხვია. ყველაფრის მიუხედავად 2004-2005 წლის სეზონი დღემდე ყველაზე წარმატებულად ითვლება დამოუკიდებელი ქართული ფეხბურთის ისტორიაში.

გავიხსენოთ ჩვენი კლუბის პატარა გმირობა და დეტალურად მიმოვიხილოთ "დინამოს" გზა უეფას თასზე. იმედია უახლოეს მომავალში სამწუხარო ტრადიცია დაირღვევა და ქართულ გუნდებს კვლავ ვიხილავთ ევრო-ასპარეზზე.

დინამო ევროპა ლიგაზე - ჯოტია ცაავა, ანტი-რეკორდი და ჩაწყობილი მატჩი

შესარჩევი ეტაპი

21-ე საუკუნის დასაწყისის "დინამო" პირველ რიგში ასოცირდება ბადრი პატარკაციშვილთან, რომელმაც 2003 წელს შეიძინა თბილისური კლუბი. ფინანსურად ძლიერი მეპატრონის ხელში ქართული გუნდი გახდა ფაქტიურად უკონკურენტო, სამწუხაროდ მხოლოდ სამშობლოში.

დინამო ევროპა ლიგაზე - ჯოტია ცაავა, ანტი-რეკორდი და ჩაწყობილი მატჩი

უეფას თასზე გასვლამდე ერთი წლით ადრე "დინამომ" დსთ-ს თასის მოგებაც მოახერხა. აღნიშნულ ტურნირზე მონაწილეობას იღებდნენ კიევის "დინამო" და მოსკოვის "ცსკა", თუმცა გამარჯვებული თბილისური კლუბი გამოვიდა, რომელმაც თავის გზაზე გადალახა "შერიფისა" და "სკონტოს" ბარიერი.

დინამო ევროპა ლიგაზე - ჯოტია ცაავა, ანტი-რეკორდი და ჩაწყობილი მატჩი

იმდროინდელი "დინამო" ძირითადად ახალგაზრდა ფეხბურთელებით იყო დაკომპლექტებული, რომლებიც მომავალში საქართველოს ნაკრების უცვლელი წევრებიც გახდნენ.

მაგალითად - კანკავა, სალუქვაძე, კვირკველია, დვალიშვილი ამისულაშვილი, შაშიაშვილი, ბურდული, დარასელია, მელქაძე და სხვები. მათთან ერთად კი გამოცდილი ოსტატები - გიორგი ნემსაძე და გოჩა ჯამარაული. გუნდის მთავარი მწვრთნელი იყო ხორვატი ივო შუშაკი, რომელიც მოგვიანებით ახალგაზრდა გია გეგუჩაძემ ჩაანაცვლა.

დინამო ევროპა ლიგაზე - ჯოტია ცაავა, ანტი-რეკორდი და ჩაწყობილი მატჩი

ახლა კი უშუალოდ საკვალიფიკაციო ეტაპის შესახებ. პირველ რაუნდში "დინამოს" ხვდა წილად ბელორუსიის "ბატე", რომელსაც თბილისელებმა შინ და გარეთ მოუგეს (1:0, 3:2). შემდეგი მეტოქე იყო პრაღის "სლავია" და უნდა ითქვას, რომ პირველ შეხვედრაში ყველაფერი თითქოს დასრულდა - ჩეხებმა 3:1 მოიგეს.

თბილისში გამართულ განმეორებით მატჩში "დინამომ" ქამბექი მოახდინა და მეტოქე 2:0 დაამარცხა. ქომაგების სიხარულს საზღვარი არ ჰქონდა, ყველამ გაიხსენა ლეგენდარული თამაში "ლივერპულთან", რომელთანაც ქართულმა კლუბმა დაახლოებით ანალოგიური რამ გააკეთა აგრეთვე წვიმიან ამინდში.

დინამო-ვისლა 2:1



მე-3 ეტაპზე კი "დინამომ" ურთულეს ბრძოლაში კრაკოვის "ვისლას" ბარიერი გადალახა. თბილისელებმა ერთი მატჩი მოიგეს (2:1), მეორე კი წააგეს (3:4), თუმცა სტუმრად გატანილი გოლების საფუძველზე უეფას თასზე მოხვდნენ ქართველები და არა პოლონელები.

უეფას თასის ჯგუფური ეტაპი

ფინალურ ეტაპზე "დინამო" შერაცხეს გათამაშების აუტსაიდერად, ეს ლოგიკურიც იყო, ქართული კლუბი ხანგრძლივი პაუზის შემდეგ ხომ პირველად მოხვდა ევრო-ტურნირზე. თბილისური გუნდი გადაანაწილეს ბოლო კალათაში "ზენიტთან", "ალკმაართან", "სტანდარდსა" და "აუსტრიასთან" ერთად.

დინამო ევროპა ლიგაზე - ჯოტია ცაავა, ანტი-რეკორდი და ჩაწყობილი მატჩი

ცნობისთვის, ეს იყო პირველი სეზონი როდესაც უეფას თასზე ჯგუფური ეტაპის პრინციპი დაინერგა, აქამდე ყველაფერი პირდაპირ პლეი-ოფებით იწყებოდა. რაც შეეხება ახალ ფორმატს, შეიქმნა 5-გუნდიანი ქვე-ჯგუფები, სადაც მეტოქეები ერთმანეთში მხოლოდ ერთ მატჩს ატარებდნენ და არა ორს როგორც ახლა.

"დინამო" მოხვდა "ნიუკასლთან", "სპორტინგთან", "სოშოსა" და "პანიონისთან". ქართული კლუბის პირველი მეტოქე ფრანგული "სოშო" აღმოჩნდა, რომლის შემადგენლობაში ადგილს იმკვიდრებდნენ ახალგაზრდა ჟერემი მატიე და ჟერემი მენესი. ლიგა 1-ის ბინადრებმა 0:2 მოგვიგეს თბილისში.

დინამო ევროპა ლიგაზე - ჯოტია ცაავა, ანტი-რეკორდი და ჩაწყობილი მატჩი

შემდეგ იყო გასვლითი მატჩი ვარსკვლავებით სავსე "ნიუკასლთან". თბილისელთა წინააღმდეგ თამაშობდნენ - შირერი, კლუივერტი, ბელამი, გივენი, ჯენასი, ბოიერი და 18 წლის ჯეიმს მილნერი. სრული იდილიისთვის აკლდა მხოლოდ სანტიაგო მუნიესი ფილმიდან "გოლი" (ჩვენთვის უფრო ცნობილი როგორც ჯოტია ცაავა ფილმიდან "შტანგა-გოლი").

გავიხსენოთ ლეგენდარული პერსონაჟი



"დინამომ" კვლავ 2:0 წააგო და კიდევ უფრო განამტკიცა მოსაზრება აუტსაიდერობის შესახებ. შემდეგ დაიწყო სრული კოშმარი - ჯგუფური ეტაპის მე-3 ტურისთვის თბილისში ჩამოვიდა "სპორტინგი", რომლიდანაც ერთი წლით ადრე წავიდა კრიშტიანუ რონალდუ "მანჩესტერ იუნაიტედში".

დინამო ევროპა ლიგაზე - ჯოტია ცაავა, ანტი-რეკორდი და ჩაწყობილი მატჩი

ლისაბონელები არც მომავალი მსოფლიოს საუკეთესო ფეხბურთელის გარეშე განიცდიდნენ მაღალი დონის შემსრულებლების დეფიციტს, ჩვენი გუნდის წინააღმდეგ გამოვიდნენ - რიკარდო, მიგელი, როშემბაკი, ვიანა, ლიედსონი, ბეტო და სხვები. შედეგმა ყველანაირ ცუდ მოლოდინს გადააჭარბა - გამანადგურებელი 0:4.

ჯგუფური ეტაპის ბოლო ტურისთვის "დინამოს" ყველანაირი შანსი ჰქონდა გადაწურული 1/16 ფინალში გასვლისთვის, "პანიონისს" კი არა, ბერძნებს თეორიული შანსი გააჩნდათ, თუმცა იმ მატჩში მოხდა ისეთი უცნაური რამ, რაც მოგვიანებით ნამდვილი გამოძიების წარმოების საბაბად იქცა.

დინამო ევროპა ლიგაზე - ჯოტია ცაავა, ანტი-რეკორდი და ჩაწყობილი მატჩი

"პანიონისმა" 5:2 გაანადგურა თბილისური გუნდი, მაგრამ შეხვედრის მსვლელობისას ბერძნები აგებდნენ 0:1-სა და 1:2-ს. "დინამომ" 35 წუთში გაუშვა 5 გოლი და უეფას თასზე ასპარეზობა ანტი-რეკორდით დაასრულა - 4-დან 4 მარცხი, ბურთების შეფარდებით 2:13. მსგავსი "მიღწევა" სხვას არავის დაუფიქსირებია.

მატჩის შემდეგ რამდენიმე ბრიტანულმა საბუკმეიკერომ აღნიშნა, რომ ფსონების უმეტესობა სწორედ აღნიშნულ ანგარიშზე იდებოდა, ბევრმა ტოტალიზატორმა კი საერთოდ ამოიღო პროგრამიდან "პანიონისი"-"დინამოს" შეხვედრა.

დინამო ევროპა ლიგაზე - ჯოტია ცაავა, ანტი-რეკორდი და ჩაწყობილი მატჩი

სიტუაციას ის ფაქტიც ამძაფრებდა, რომ სტადიონზე იმყოფებოდა სკანდალური გერმანელი ყოფილი მსაჯი რობერტ ჰოიცერი, რომელსაც წარსულში ტოტალიზატორთან კავშირში ადანაშაულებდნენ.

მოგვიანებით ჰოიცერი გამოტყდა, რომ გერმანიის თასის ერთ-ერთ შეხვედრაში მან მართლაც ჩააწყო თამაში. რობერტმა ისიც დაამატა, რომ იგი აქტიურად თანამშრომლობდა ბერძენ და ავსტრიელ მაქინატორებთან.

დინამო ევროპა ლიგაზე - ჯოტია ცაავა, ანტი-რეკორდი და ჩაწყობილი მატჩი

უეფამ დაიწყო გამოძიება. დაკითხულნი იქნენ ორივე კლუბის ფეხბურთელები, სტაფის თანამშრომლები, ხელმძღვანელობა და ქვეყნის ფეხბურთის ფედერაციის მაღალჩინოსნებიც კი.

"ჯერჯერობით მასალების შეგროვებითა და ეჭვმიტანილების დაკითხვით ვართ დაკავებულები. სამხილების აღმოჩენის შემთხვევაში ორივე მხარეს უმკაცრესი სანქციები ელის, ჯარიმით დაწყებული და მრავალწლიანი დისკვალიფიკაციით დამთავრებული. თუმცა ჯერ ეს საქმე დეტალურად უნდა შევისწავლოთ," - უეფას იმდროინდელი პრეს-ატაშე.

დინამო ევროპა ლიგაზე - ჯოტია ცაავა, ანტი-რეკორდი და ჩაწყობილი მატჩი

სამწუხაროდ თუ საბედნიეროდ "დინამო" და "პანიონისი" გადარჩნენ, შესაბამისი მტკიცებულებების უქონლობის გამო უეფამ გამოძიება დახურა. ასეთი იყო თბილისური კლუბის უკანასკნელი გაელვება ევროსარბიელზე.

ფეხბურთის ანგარიშები იხილეთ აქ - LIVESCORE

ყველა სიახლე

კვირის ტოპ 10

ცხრილები