"დიდებული ფეხბურთელი! ახლა შეუძლია არაჩვეულებრივი გოლფის მოთამაშე გახდეს", - გვარდიოლა ბეილზე

„მან სიტის“ მთავარმა მწვრთნელმა, პეპ გვარდიოლამ, გარეტ ბეილის კარიერის დასრულებაზე კომენტარი გააკეთა.

ესპანელს ჰკითხეს, უცდია თუ არა მას ოდესმე ბეილის საკუთარ გუნდში მიყვანა.

„ის ზედმეტად ძვირადღირებული იყო. დიდებული ფეხბურთელი! ფანტასტიკური კარიერა, უამრავი ტიტული. მგონი, მას უელსშიც 100-ზე მეტი მატჩი აქვს ჩატარებული.

ახლა კი, მას შეუძლია არაჩვეულებრივი გოლფის მოთამაშე გახდეს.“, - აღნიშნა პეპმა.