უელსის ნაკრების მთავარი მწვრთნელი: "შოკირებული ვარ იმით, რასაც ესპანეთში ბეილზე ამბობენ"
უელსის ეროვნული ნაკრების მთავარი მწვრთნელი, რობ პეიჯი იმედგაცრუებულია იმით, რომ ესპანეთში გარეტ ბეილს აკრიტიკებენ.
"შოკირებული ვარ. გარეტს კარგად ვიცნობ და ბევრი ვერ ხედავს იმას, თუ რას აკეთებს მოედნის ფარგლებს გარეთ: ცოტა ხნის წინ ჯანდაცვის ეროვნულ სამსახურს და კარდიფის საავადმყოფოს ფული შესწირა, თანაც საკმაოდ დიდი. გარეტს ამისათვის არ აქებენ, რადგან თავის საქმეებს არ ახმაურებს, ხალხი კი ამას ვერ იგებს. თავისთვის ინახავს".
"როდესაც პარაზიტი უწოდეს, სისხლი ამიდუღდა. ეს არ მომწონს. გარეტ ბეილს, ჩვენი ქვეყნის ნაკრების კაპიტანს, რომელიც ჩვენ წარმოგვადგენს, ეს არ ეკუთვნის. არასოდეს იქნება პარაზიტი".
"თუ მსოფლიო ჩემპიონატზე გავალთ, აუცილებლად ითამაშებს. მუნდიალი ბეილის ოცნებაა, მხოლოდ ეს ტურნირი აკლია. არ ვიცი, რომელ კლუბში იასპარეზებს. შესაძლოა, სახლში დაბრუნდეს, ესპანეთში დარჩეს ან სხვა გამოწვევა მიიღოს. ნამდვილად არ ვიცი", - თქვა პეიჯმა The Athletic-თან ინტერვიუში.
